Luisa Louro Díaz é unha das veteranas da Coral, da que foi cofundadora en 1998, tempo en que colaborou estreitamente co lembrado Presidente Antonio Rouco. Ainda agora, quince anos depois, coopera na recepción das corais convidadas, e non se lle caen as mans por servir un café. Faladora, cumpridora e muito cordial gosta especialmente das sesións de baile da Asociación da Terceira Idade. Desde aqui lle agradecemos a sua actitude animosa e sempre disposta a colaborar no que for mister.
*******
Onde decorreu a túa infancia?
Morei en Cela de Cambre ata os 30 anos.
A que te dedicaches na túa vida laboral?
Laborei no servizo doméstico.
Desde cando moras en Cambre?
Toda a vida, desque deixei Cela.
Cantando no Convento do Santo Espírito en Melide (decembro 2012)
En que actividades sociais participas alén do Coro?
Participo moito nas actividades da Asociación da Terceira Idade, como manualidades, excursións, actividades lúdicas...
Que te motivou para entrares na Coral?
De sempre gostei de cantar. Fun cofundadora da nosa Coral, que nascera nun primeiro momento no seo da Asociación da Terceira Idade e que logo se tornou independente.
ORIXE DOS APELIDOS
Cartografía dos Apelidos de Galicia - Instituto da Lingua Galega - USC
"Louro" e "Diaz" son dous apelidos galegos. "Louro" significa, entre outras cousas, que ten unha cor intermediario do dourado e do castaño-claro, loureiro (árbore) e penedo (Estraviz - Dicionario de dicionarios). Está relacionado con Loureda, Louredo, Lourido, Louriña, Louriño, Lourés (Apelidos da Galiza). É famoso na Galiza o Monte Louro na ponta norte da ría de Muros e Noia, talvez pola configuración rochosa ou pola cor da vexetación ou nos longos entardeceres atlánticos. "Díaz" é un apelido patronimico derivado do nome propio Día, Diego ou Diogo (Apelidos da Galiza). O ano 2014 o Día das Letras Galegas estará dedicado ao poeta lucense Xosé María Díaz Castro, autor do famoso poema "Penélope".
O que pensa a túa familia da túa implicación no Coro?
Todos están contentos da miña participación nas actividades da Coral.
Tiñas algún tipo de experiencia musical?
Non tiña, e mesmo foi o motivo de que ingresara no proxecto,
Que é do que mais gostas das actividades que desenvolvedes?
Todas en xeral, sou moi participativa. Das músicas da que mais gosto é a zarzuela.
Cantando zarzuela en Cecebre (agosto, 2012)
Como lembras a fundación da Coral? Mudou muito a actividade da Coral desde entón?
No comezo todos tivemos que colaborar. Había tantas ilusións como carencias. Todo estaba por fazer: repertorio, vestiario... Eu mesma tiven que representar en diversas ocasións ao noso querido Presidente, Antonio Rouco, perante o Concello. Agora procuro ser unha boa coralista cumprindo o mellor que podo cos compromisos. Como os ensaios son á noitiña me vou arranxando para atender todas as obrigas.
Como lembras o noso primeiro Presidente Antonio Rouco?
Con muito respecto e añoranza. Era unha belísima persoa, muito traballadora e competente. Estaba todo por facer e ele acometeu a empresa con entusiasmo e responsabilidade. Eu colaborei con ele todo o que puiden.
Cres que as actividades da Coral receben suficiente recoñecimento e apoio institucionais?
Moi pouco. Uns mais do que outros, pero ao cabo non están pola labor.
Sentada con Teresa e Cantando na celebración do 12 aniversario (2010)
ESTAMPAS DO CONCELLO DE CAMBRE
Fondo de fotografía histórica. Fototeca Concello de Cambre - Publicacións - Exposicións
Ramón Boga Moscoso, Estampas de Cambre. Os traballos e os días (2006) - PDF
Exposición de fotografías antigas - Galería de imaxes do Concello de Cambre
A historia de Cambre, nun clic. O Concello acaba de abrir en Internet unha fototeca con 14.000 fondos (26 maio 2011) - Noticia de LVG
A vella e nobre Gallaecia [fotografias antigas da Galiza] [Cambre]
Sem comentários:
Enviar um comentário