Encontro de Corais en Camariñas

Vista de Camariñas coa Casa de Pedra
baixo a frecha negra

2º ENCONTRO DE CORAIS

Casa de Pedra, Camariñas

Sábado 4 maio 2013

Corais participantes

Coral Polifónica Santa María de Cambre
Coral Areosa de Narón

Coral Municipal de Mulleres de Camariñas

FOLLETO DO ENCONTRO

CRÓNICA DA XORNADA

Unha desas agradábeis tardes de comezos de maio, mais grata canto mais era agardada despois dunha boa tempada de tempo desapacíbel. Coralistas e convidados fumos subindo ao autobús até o encher case por completo. Ainda non eran as cinco cando nos pusemos en marcha para a Costa da Morte, unha hora e media de viaxe.

Após atraversamos a terra de Bergantiños algunha convidada comezou a sentirse mareada a causa da calor, polo que tivemos que nos deter para descansarmos un pouco e respirar ar fresco. Pouco antes de chegar, após o lugar de Ponte do Porto, as vistas da ría parecía aliviar, alén das almas, os corpos dos viaxeiros. Contra as seis e media da tarde nos recebeu de súpero o azul intenso e imenso do mar Océano, tranquila infinitude cuxo comezo brillaba sob un sol radiante.

O autocarro atravesou a pequena vila bordeando o porto até chegarmos à Casa de Pedra, onde baixamos após estacionar. Dirixímonos logo ao local onde nos recebeu a directiva da coral local, organizadora do evento, nos recebeu muito amabelmente. Ela nos informou das diferentes estancias do edificio. Despois dos ensaios de rigor, xa con todo claro e ainda con tempo, aproveitamos os 45 minutos que tiñamos de folganza para coñecer a vila. Para outra ocasión ficou coñecer o Museu do Encaixe ou as rochas onde morou Mann, o alemán de Camelle.

Ao voltar à Casa da Pedra tivemos o primeiro contacto cos membros das outras corais que compartirían con nós o evento en que se celebraba o Día das Letras Galegas: compañeiros de Narón e os anfitrións de Camariñas.

Fumos os primeiros en aparecer en cena. O pequeno auditorio rebordarba cum cheio absoluto. Os nosos temas foron muito aplaudidos e agradeciso, por serem muito mariñeiros en honor à vila e as suas xentes. A continuación actuou a coral da Sociedade Cultural Areosa de Piñeiros, Narón. Sua interpretación da "Negra sombra" destacou nun programa de elevada calidade. Por último, fechou o evento o Coro Municipal de Mulleres de Camariñas. Delas podemos destacar o tema con que abriran sua participación, "Saír fuxindo", versión dunha coñecida canción de Amaral, asi como a música portuguesa de "As penas do verde gaio" e a peza con que concluiron a sua intervención e o encontro todo, "Un balcón cara ao mar", dedicado á vila de Camariñas.

Após os agasallos, parabenizacións e agradecimentos do final, nos deslocamos ao local dos ensaios, onde nos tiñan preparados uns inxentes petiscos para coralistas e convidados, dos que dimos conta entre mais cancións, fotografias, bailes e risos, muitos risos, que ainda resoaban canda os "até máis!" das despedidas.

Aguardo completar axiña esta crónica con algunha fotografía do Encontro e do agasallo.

AGASALLO DOS ORGANIZADORES

2º ENCONTRO DE CORAIS
EN CAMARIÑAS 2013