Renovación da Xunta Directiva da Coral

O pasado 31 de janeiro eliximos na Asembleia xeral unha nova directiva para os próximos catro anos que substitúe a presidida por Manuel Gesto e Manuel Luis Doval  e na que recuncan Alfredo, Ana e Sinda.

Eis o cadro de responsábeis:

Presidente: Juan María García Blanco (Garay)
Vice-Presidenta: Rosalía López Pérez (Entrevista Setembro 2013)
Secretaria: Olga Sande Rumbo (Entrevista Maio 2013)
Tesoureiro: Alfredo Álvarez Muiños (Entrevista Febreiro 2013)
Arquiveira: Ana María Castro Cortés (Entrevista Marzo 2013)
Vogal: Luis Alberto Torreiro Ares
Vogal: Sinda Mosquera Aradas (Entrevista Abril 2013)

Na fotografía a seguir, tirada na representación de zarzuela en Arteixo (febreiro 2013) aparecemos os catro novos membros da xunta (en primeiro plano e de esquerda para direita): Alberto, Rosalía, Olga e Garai, escoltados por Sol e Ramón (secretario saliente). Agardamos poder completar proximamente estea postaxe cunha fotografía de toda a xunta.

Por outra parte, este sábado 22 de febreiro celebraremos un xantar de confraternidade na Casa Becerra de Bribes. 

Lista de membros da Coral

RELACIÓN DE MEMBROS DA CORAL EN XANEIRO DE 2014

Relación de membros da Coral en 31 de xaneiro de 2014, xornada na que decorreu a asembleia xeral en que se renovou a Xunta Directiva, facto do que informaremos proximamente.

O noso repertorio: "A vella chalana"

Título: "A vella chalana"
Letra: Jesús Méndez Torrado
Música: Jesús Méndez Torrado
Ano: 2005
Arranxo: Jesús Méndez Torrado
Xénero: Habanera
País: Bergantiños-Galiza

Recollendo o recordo a Eduardo Pondal 
na cea de Sabios (2009) · Que pasa na costa

COMENTARIO

Esta habanera, que xa ten o sabor das tradicionais, é unha composición do músico cormelán Jesús Méndez Torrado, dinamizador musical da comarca de Bergatiños, unha zona de rica tradición en bandas e agrupacións. O tema, dedicado a Manolo Vidal Saleta, pode ser do ano 2005 e foi gravado pola Coral Brisas do Mar de Corme en 2007.

É unha peza doada de interpretar, sinxela e sentida, que gosta muito, especialmente nos pobos mariñeiros, como recentemente en Ribeira. 

A chalana é unha pequena embarcación, de popa rectangular e proa triangular, con fundo plano, que adoita manexarse a remo (Wikipedia).

Fotografia: "Chalana en Quilmas" (Flickr)

LETRA

A Manolo Vidal Saleta

Nunha vella chalana, aprendin a bogar...

Da man de meu avó... bautizeime no mar...

Coa cubeta na man... comecei a chicar...

É co vento mareiro... fun as nasas largar...

Ao amaece-lo  día... íamos todos irmáns...

Dura escola da vida... vellos remos novas máns.

Tramallos, betas, rapeta... coa boa mar mainiña...
Ai, na vella chalana... canto pan para casiña...

(Retrouso)

Remos, estrobos, toletes... inda vos sinto renxer...
Do mareo en ti cureime... mariñeiro quixen ser...

Meu pai xingraba na popa... miña nai dende a solana...

Saímos nós mariñeiros... daquela vella chalana...

(2ª letra)

Na lonxana lembranza... cando o tempo pasou...

Vexo a vella chalana... que na praia varou...

Recende a maruxia... cando baixa a marea...

Lévame a nostalxia... a unha infancia na area...

............................

Añoros que non esquenzo... tras unha vida no mar... 

O patexar pola praia... ledos no alborexar...

Dar arriba a chalana... de peixe o cesto cheo...

Canto sorriso na cara... ledicia que ven do ceo...

(Retrouso)

Remos, estrobos toletes... inda vos sinto renxer...

Do mareo-en ti cureime... mariñeiro quixen ser...

Meu pai xingraba na popa... miña nai dende-a solana...

Saimos nós mariñeiros... daquela vella chalana...

(Fin)

Saímos nós mariñeiros... daquela vella chalana

PARTITURA [...] - VIDEO [...]

LIGAZONS

Sobre Jesús Méndez Torrado:
Dende Corme ao Mundo (blogue de Jesús Méndez Torrado - Suso de Basilio)
Homaxe a "os músicos de Froxán" (2006) - Camiños do mar (video)
"A alma da música en Corme" (2009) - Que pasa na costa
Sobre a chalana: Sociedade Cultural Columba

2012 Xaneiro - Lista de membros da Coral

RELACIÓN DE MEMBROS DA CORAL EN XANEIRO [?] DE 2012

Agasallos sen dados

Após case un ano, xa estamos a concluir a subida dos agasallos recebidos pola Coral ao longo da sua traxectoria desde pouco depois da sua fundación en decembro de 1998. Muitos deles axudáronos a recuperar actuacións das que non tiñamos registro. Desa tarefa só nos resta informar duns libros, algún cadro, un presente da ex compañeira Nieves Porteiro, e mais catro obsequios dos que carecemos de calquer dado. 

Na fotografía á direita aparece o primeiro Presidente, Antonio Rouco, e a socia fundadora Luisa Louro, que amosa un dos libros, xunto a un dos primeiros agasallos recebidos pola Coral por volta da sua fundación.

Non temos dados da ocasión en que recollimos a placa de cerámica co himno galego. Talvez foi no Festival das Letras Galegas en Burela, en cuxa clausura interpretamos o himno canda as outras agrupacións participantes. 

Segundo o ex Presidente Manuel Gesto a insígnia pode corresponder ao Servizo Civil do Concelho (Ayuntamiento) de Cambre. 2003??? En todo caso, parece que comemora o XX Aniversario tal vez dunha Sociedade Cultural de carácter musical, ainda que as sigras coinciden co Servicio de Cooperación y Acción Cultural, un instituto do Estado francés que "se encarga do seguimento da rede de estabelecimentos escolares franceses en España, asi como de tutelar os cinco Institutos franceses que existen en España". Taén se encarga das trocas francoespañolas en materia cultural e linguñistica (Consulado Honorario da Franza na Cruña)

O esmalte pode ser un obsequio da compañeira Olga Sande, supomos que algo anterior (por volta de 1007) ao xa apresentado nunha postaxe anterior.

E, por último, unha pequena bandeixa da que carecemos de mais dados do que sabela entre os outros agasallos.

Naturalmente, ficariamos muito gratos a calquer un que nos dar información mais precisa destes obxectos.

FOTOGRAFÍAS

2011 Xaneiro - Lista de membros da Coral

RELACIÓN DE MEMBROS DA CORAL EN XANEIRO [?] DE 2011

Unha xornada de ensaio

Para alén do protagonismo das actuación, dos xantares e as refeccións de convivencia coas outras corais, tamén constitúen parte fundamental da vida da coral outros tipos de actos, como os ensaios e as viaxes no autocarro. As fotografías a seguir corresponden aos ensaios do 17 e o 20 de xaneiro, inmediatamente antes de eu partir de viaxe para o sul da península. 

Na altura, estavamos a ensaiar un tema que havia mais de sete anos que non interpretaba a Coral, "Os teus ollos" do mestre Chané. A sesión da segunda feira está reservada para as mulleres. As fotos dese dia foron tiradas por Alfredo Álvarez Muiños.

A fotografía do local de ensaio que encabeza esta postaxe é aproveitada do Google Maps.

FOTOGRAFÍAS

Pouco antes do comezo do ensaio. Sexta feira, 17 de xaneiro

Dous momentos da sesión da segunda feira, 20 de xaneiro, só para mulleres.

Luisa dirixindo o ensaio. Sexta feira, 17 de xaneiro.

Duas instantáneas da miña participación. Segunda, 20 de xaneiro.

No fundo, os retratos do primeiro presidente da Coral e do actual alcalde.

1999 - Inauguración do Monumento a Pablo Picasso en Fonteculler

INAUGURACIÓN DO MONUMENTO
EN HOMENAXE A PABLO PICASSO

Praza de Castelao, Fonteculler
[...] 1999

Monumento ao Guernica de Picasso
na Praza de Galiza no Burgo
Fonte: Google Maps & Xosé 2011

COMENTARIO

Este obsequio corresponde, segundo nos informou a compañeira Olga, á nosa participación na inauguración dunha estatua erixida en homenaxe a Pablo Picasso. O acto decorreu en 1999, na praza Castelao de Fonteculler. O concello ten outro monumento dedicado ao Guernica na praza da Galiza no Burgo. 

Agradeceriamos cualquer información mais precisa sobre o evento.

AGASALLO DOS ORGANIZADORES

CONCELLO
DE 
CULLEREDO

O noso repertorio: "Os teus ollos"

Título: "Os teus ollos"
Letra: Manuel Curros Enríquez
Música: José Castro González, Chané
Ano: ca. 1895
Arranxo: ----
Xénero: Balada
País: Galiza

José Castro González, Chané

Foto: Academia Galega

COMENTARIO

Trata-se dun poema de Manuel Curros Enríquez musicado por José Castro González, Chané, cando ambos os dous coincidiron na emigración na Habana nos anos noventa do século XIX. Os dous temas mais famosos desa colaboración quizais sexan "Unha noite na eira do trigo" e "Un adiós a Mariquiña".

Despois de muitos anos (de facto antes de eu entrar na Coral), voltamos a ensaiala para unha próxima actuación. Nós gostamos de interpretar esta balada que comezamos coa boca fechada e que na nosa versión se reduz a duas estrofes do poema orixinal ("Ten a serea o canto...").

Orfeón Ecos de Galicia da Habana 1909 · Fonte: Cultura Galega

LETRA

Cando se pon a lúa / tras dos penedos,

choran as estreliñas / todas do ceo.

Tamén eu choro / cando non me alumean / eses teus ollos.

Buscan os pitos reises / para faguer niño,

a herba santa que nace / á beira do rio.

Eu busco solo / unha mirada meiga / deses teus ollos

Ten a serea o canto / i a serpe o alentó, 

o lago ten a onda, / Dios ten o inferno.

Ti tes dabondo / co que tes escondido / neses teus ollos.

O trono dos monarcas, / do sabio os trunfos, 

a groria do poeta, / o ouro do mundo:

dera eso todo / por sólo unha mirada / deses teus olios.

LIGAZÓNS

Sobre José Castro González - Chané

Cultura Galega - Emigración Xunta - Real Academia Galega - Wikipedia

Letra

Versión de Uxia - Versión de Luar na Lubre