Participación no Festival de Panxoliñas de Abegondo

III CERTAME DE PANXOLIÑAS DE ABEGONDO

O Salón - Centro Social en Mabegondo
Domingo 21 de decembro

CORAIS PARTICIPANTES

Coral da Terceira Idade de Abegondo
& Coral de Coirós
Coral de Santa María de Cambre
Coral Luar da Lúa de Lubre
Coral Aires de Carral
Coro Interparroquial de Oza
Coro Parroquial de San Tirso de Mabegondo

CRÓNICA

Pasado domingo 21 de decembro voltamos a actuar por segundo ano consecutivo no III Certame de Panxoliñas de Abegondo. Lá voltamos a partillar experiencias con outras agrupacións participantes na anterior edición (anuncio - crónica). O evento colaboraron o Concello de Abegondo e Cáritas, que organizou un mercado solidario no vestíbulo d'O Salón, centro social locado en San Tirso de Mabegondo.

Desta vez nos deslocamos nos vehículos particulares até ao viciño concello de Abegondo, de interesantísima toponimia. Chegamos co tempo xusto para ensaiar e mudarnos, polo que apenas pudemos visitar o mercado solidario organizado por Cáritas nunha zona do vestíbulo.

 Vista do mercado solidario organizado por Cáritas

 Vista xeral do público asistente - Cativos do Nacemento Vivente dando o toque natalino sobre o cenario

O público ateigaba a plateia. Nun recanto do cenario un grupo de cativos, que acompañarían todas as corais durante todo o certame, formaban un Belén Vivente cheio de graza e inxenuidade.

 

Abriron a velada, apresentada polo crego de San Tirso, as corais da Terceira Idade de Abegondo e de Coirós, que voltaran actuar xuntas como o ano pasado.

Nós actuamos en segundo lugar. Compuñan o noso repertorio tres temas: "Hacia Belén va una burra", "Señora Doña María" e "Duerme el Niño Jesús", que levantaron os aplausos dos asistentes. 

A Coral Luar da Lúa de Lubre (Bergondo) tamén recuncou mais un ano no Certame de Panxoliñas de Abegondo. Interpretou, entre outros, a panxoliña "Alá pola media noite".

A Coral Aires de Carral non viera o ano pasado, aínda que é case habitual en anteriores encontros de música natalina no concello de Abegondo. Deron mostras de experiencia e mestría sob a dirección de Juan José Gordillo Campelo.

 

A Coral Interparroquial de Oza, con apenas dous de existencia, interpretaron os dous temas que compoñen o seu incipiente repertorio. Receberon cálidos azos do apresentador e o público asistente.

Fechou o Certame o Coro Parroquial de San Tirso de Mabegondo, de carácter mixto adulto-infantil, que contou coa complicidade de todos os asistentes. A presenza dun grupo de cativos, participantes no Nacemento Vivente, acompañou todas as corais dando un ambiente natalino desde un recanto do cenario. 

 

   

 Corais da Terceira Idade e de Coirós, Cambre, Luar da Lúa, Carral, Oza e Mabegondo.

Á conclusión do acto, após as despedidas e entrega do último ramo de flores á coral que encerraba a xornada, os participantes foron dar conta dos petiscos que aguardaban disciplinadamente a chegada dos comensais. Mas eu tiña que ir embora e só poido imaxinar os risos, parabéns e cantigas.

 VIDEO

Vídeo da nosa interpretación de "El Niño Jesús".

Actuación no Certame de Vilancicos de Abegondo

II CERTAME DE VILANCICOS

Centro Cultural "O Salón", Mabegondo
Sábado, 28 de decembro

Corais participantes

Coro Municipal da Terceira Idade de Abegondo

Coral de Coirós

Coral Lugar da Lúa, Lubre

CP Santa María de Cambre

CP de Betanzos

Coral de Sigrás (ausente)

Coro Parroquial de San Tirso

CARTAZ DO CERTAME

CRÓNICA DA XORNADA

Tarde chuvosa de inverno. Cando sempre parece que comezou a escurecer. Combinamos no campo da feira para nos distribuir nos carros particulares. A viaxe de Cambre para Mabegondo é curta e conhecida. Ao chegarmos fumos céleres ao Centro Cultural "O Salón", cedido há tempo pola parroquia ao Concello, segundo nos informou o crego do lugar. Percebíase que o deixaran aquecendo desde a noite anterior, segundo nos informaron tamén os organizadores. Ao entrarmos, as mesas onde estaban dispostos os petiscos convidaban a ficarmos lá...

Recén chegados, ainda cos abrigos postos. A zona de petiscos e parte do público congregado.

Axinha fou enchendo a platea da sala. Un público variegado e animoso. Pronto nos informaron da ausencia do coro viciño de Sigrás. A enfermidade de varios dos seus membros fixo imposíbel a sua participación. Desta vez non houbo tempo para ensaios. Aguardamos a que chegase a xente e os outros participantes.

Vista do público

Abriron a velada o Coro Municipal da Terceira Idade de Abegondo que actuou coa Coral de Coirós. As súas interpretacións foron muito aplaudidas polo público presente. Ao finalizaren, un membro da Coral de Coirós entregou un ramo de flores á súa directora. De seguido actuou a Coral "Lugar de Lúa", de Lubre, parroquia do vicño concello de Bergondo.

O crego de Mabegondo e a organizadora apresentando o Coro Municipal da Terceira Idade

de Abegondo e a Coral de Coirós - Coral Luar de Lua, de Lubre

Nós interpretaremos os nosos tres temas previstos, "Duerme el Niño Jesús" (Hawai), "Por los caminitos de Jerusalén" (tonada pampeana, Arxentina) e "Arre borriquita" (anónimo), que contou coa participación dos asistentes. 

   

Catro momentos da nosa participación no Certame

 

  

A organización foi algo irregular, ainda que sobradamente compensado polo entusiasmo dos apresentadores, o crego do lugar, don Fernando, e Carmiña, organizadora e tamén animadora do grupo infantil, para o que compuxo algún tema. Don Fernando, na súa alocución inicial, encareceu a importancia deste tipo de actos, nos que a xenerosidade sobarda a limitación de recursos, para as xentes do rural que queren transmitir o seu traballo na cultura do país.

  

 

A apresentadora e organizadora do Certame - A solista da Coral de Betanzos - A directora do Coro Municipal

Actuou despois a Coral de Betanzos, dirigida por don Manuel López Castro, compañeiro de sacerdocio de don Fernando. A sua tradicional mestría levantou os aplausos do público que, espoleado polo crego de Mabegondo, solicitou mais un vilancico... Por último, fechou a velada o Coro Parroquial de San Tirso, onde destaca sobremaneira a presenza dos cativos, que sorprenderon os asistentes pola sua maturidade, disciplina e saber facer, concluindo o acto cun sopro de frescor.

Concluido o acto, ficamos os membros da corais e algún membro atrasado do público para dar conta dos saborosos petiscos com que nos agasallaron. Axiña prendeu a parolada animada entre os coralistas, mentres don Fernando ia de lá para cá procurando a satisfacción dos presentes e as crianzas perambulan entre as mesas. O viño e o día sinalado facilitaron as brincadeiras e piadas. Desta guisa concluiu mais unha xornada da nosa Coral.

2010 Decembro - Actuación no IV Festival de Vilancicos de Abegondo

IV ENCONTRO DE CORAIS E VILANCICOS DE ABEGONDO

Local Social de Mabegondo
Domingo 26 de decembro

Corais participantes

Coral O Adro de Bribes
Coral Polifónica Santa María de Cambre

Coro Parroquial de Sigrás                    

Coro Lugar da Lúa de Lubre                                                              Local Social de Mabegondo

Coral de Guísamo

Coral de Coirós

Coro Municipal da Terceira Idade de Abegondo

Coro Parroquial de San Tirso

CRÓNICA

Outra información que recuperamos grazas á información dos agasallos. En decembro de 2010 voltamos ao concello de Abegondo para participar xunto con agrupacións dos concellos de Oleiros, Cambre, Bergondo, Abegondo e Coirós no IV Festival de Panxoliñas que decorreu no Local Social de Mabegondo, locado ao carón da igrexa parroquial de San Tirso, a partir das cinco da tarde.

O evento, organizado polos párrocos de Abegondo coa colaboración do Fogar de Santa Margarida e o Concello, contou coa presenza agarimosa dun Belén vivente de cativos xa tradicional no concello. Após o remate do concerto todos os asistentes brindaron polo Natal para deseguido degustaren produtos típicos dessas datas.   

LIGAZONS

EN LA OPINIÓN DA CORUÑA: 26 e 27 de dezembro

NA PÁGINA DO CONCELLO DE ABEGONDO

AGASALLO DOS ORGANIZADORES

EN AGRADECEMENTO Á / CORAL DE CAMBRE
POLA SUA PARTICIPACIÓN NO / 
IV FESTIVAL DE VILANCICOS

PARROQUIAS DE ABEGONDO / 2010 *

* Lexenda en castelán no orixinal