Pasado martes 23 de marzo unha pequena representación da nosa coral deu un concerto didáctico para alumnos da ESO do Colexio Vicente Otero Valcárcel de Carral.
O acto, que decorreu no salón de usos múltiples do Edificio Social Toñito Espiñeira, procuraba ilustrar o funcionamento dun coro. Interpretamos oitos temas, "Muradana", "Volvoreta" (cantiga galega), "Barcarola", "Gobbo so pare" (tarantella), "Vel-ai vai", "Bullerengue", "Jardín de ensueño" (habanera), "Os teus ollos" e "O voso galo comadre".
O público deu continuas mostras de entusiasmo e interese preguntando entre as cancións sobre diversos aspectos da organización e desempeño do coro, chegando mesmo a participar na interpretación de varios temas, principalmente "O voso galo comadre" que fechou a sesión musical.
A xornada concluíu coa entrega dun ramallete de flores e uns saborosos bolos de pan "chuscos" a cada un dos participantes.
O acto foi organizado pola profesora de Música Sandra e a titora da turma Mar, sempre prestes a colaborar no que for mester.
FOTOGRAFÍAS DO CONCERTO
Esperando o momento do ensaio...
Nos colocando para o ensaio.
A directora departindo con Sandra, profesora de música organizadora do acto.
José María, Luisa, Loli, Rosalía, Chus e Mari posando para a posteridade.
A directora presentando os temas baixo a atención do público.
Duas vistas do público asistente.
Un momento da actuación.
Presentando un novo tema
Entrega de agasallos de mans da profesora de Música
Rosalía e Luisa Armesto mostrando os agasallos
O ramallete e dous 'chuscos' de Carral
Fonte da fotografia do Edificio Social Toñito Espiñeira: Wikipedia
Máis imaxens no Facebook da CP Santa María de Cambre.
