2009 Abril - Agasallos da nosa estadía en Portugal

A cantidade e variedade de obsequios recebidos durante a nosa visita a Portugal nos animou a acrescentar mais unha entrada dedicada a uns días no que fumos agasallados con moita atención e cordialidade. Algún deses obsequios xa fora apresenteado pola coral convidada, Grupo Coral Oásis de Sangalhos, durante a súa participación no X Aniversario da nosa coral decorrido en novembro de 2008. Os outros corresponden á devolución de visita, en abril de 2009. Lá en Sangalhos, no concelho de Anadia, estivemos acompañados pola Sociedade Filarmónica 1º de Dezembro, coral da cidade de Montijo.

FOTOGRAFÍAS DOS OBSEQUIOS 2008/2009

Pratos (lexenda: Município de Anadia) e insignia co escudo do Concello de Anadia

Flámulas da "JUNTA DE FREGUESIA / SANGALHOS" e da "SOCIEDADE FILARMÓNICA 1º DE DEZEMBRO /

MONTIJO - PORTUGAL / SF 1º DEZEMBRO / FUNDADA EM 1 DE DEZEMBRO DE 1854"

Fonte: wikipédia

Pratos co escudo de Sangalhos e con cena bíblica do descendimento ou da resurrección.

Obsequios de "OÁSIS / GRUPO CORAL OÁSIS / SANGALHOS" (recebido en 2008?)

e "OÁSIS / Grupo Coral Oásis / 18/4/2009"

2008 Agosto - Festival de Corais na Peregrina de Pontevedra

X FESTIVAL HABANERAS E POLIFONÍA
Festas da Virxe da Peregrina

Praza do Teucro, Pontevedra

Quinta-feira 21 de agosto

Corais participantes

Coral Polifónica de Meis
Coral Polifónica Santa María de Cambre
Coral Bella Helenes (Pontevedra)
Coral Airiños de Campañó

Cartaz das Festas da Peregrina 2008

COMENTARIO

Mais unha actuación que recuperamos grazas a información contida nos agasallos. Desta ocasión, a única que actuamos n'a boa vila, participamos nun importante festival como parte do programa dunha das festas mais importantes da Galiza, a Peregrina de Pontevedra. Ainda que o festival comezou ás nove do serán sentíase con intensidade o calor. A fermosa Praza do Teucro estaba completamente ateigada de xente. Destacara sobremaneira a coral da vila, a Bella Helenes. 

Praza do Teucro - Fonte: Vivirgalicia

AGASALLO DOS ORGANIZADORES

Concello de Pontevedra

Festival de Corais

A Peregrina 2008

Coral Santa María de Cambre

Cambre (A Coruña)

2008 Xullo - Aniversario de Geriatros Agarimo

V ANIVERSARIO DE R.A.A. GERIATROS AGARIMO

Centro de día Agarimo, Lamastelle, Oleiros
Martes 1 de xullo (?)



Comentario

Esta é mais unha actuación cuxa memoria refrescamos a partir do agasallo, por non ficar outra constancia da nosa participación. Non estou segura da data, inferida de ser o Centro Agarimo (Geriatros) inaugurado un 1 de xullo de 2003. É unha verdadeira mágoa que para as empresas que rexentan Residencias de Maiores na Galiza a língua do país e dos vellos aos que "asisten" sexa absolutamente inexistente, fora do nome do local.

AGASALLO DOS ORGANIZADORES



5º Aniversario
R.A.A.
Geriatros
Agarimo

2008 Decembro (V) - Concerto de Natal

CICLO DE SANTA ICÍA AO NATAL
CONCERTO DE NATAL

Igrexa Parroquial de Santa María de Cambre
Sábado 27 de decembro

Corais participantes

Coral O Adro de Bribes

Coral de Cecebre
Coro Parroquial de Sigrás
Coral Santa María de Cambre

Imaxe tirada do Flickr

PROGRAMA DO CICLO
PDF no web do concello

RECORTE DO CONCERTO DE PANXOLIÑAS

A dato foi adiantada para 27 de decembro

FOLLETO DO CONCERTO
coa data corrixida

2008 Decembro (IV) - Concerto de Vilancicos en San Nicolau de Coruña

CONCERTO DE VILANCICOS
Igrexa Parroquial de San Nicolau
Luns 22 de decembro

Corais participantes

Coro Breogán da ONCE
Coral Polifónica Santa María de Cambre

FOLLETO DO CONCERTO

IGREXA DE SAN NICOLAU DA CORUÑA

Igrexa de orixe medieval cuxa fábrica sofreu unha reedificación absoluta a meados do século XVIII. A fachada é do XIX. O mais salientábel é a ornamentación interior. Abeira a capela da Virxe das Dores. O edifício adxacente é unha construcción do século XX (en 1910 aínda non existía), erguida ao tempo que se derrubaba o Convento de Santo Agostiño ao carón da Igrexa de San Xurxo. Ambas as dúas, presumíbeis xestas aplaudidas polos desleigados "coruñeses de toda la vida" que consentiron na perda constante e sistemática de múltiplos sinais de identidade da cidade brigantina en prol, seguramente, do cosmopaletismo que os caracteriza.

Mais información (a rede é un deserto no que se refere á información sobre a cidade) no Web Educativo do Concello da Coruña (pouco, errado e en castellano)

2008 Decembro (III) - Concerto de Vilancicos en San Francisco da Coruña

CONCERTO VILANCICOS

Igrexa Parroquial de San Francisco, Coruña
Xoves 18 de decembro

Corais participantes

Coro Breogán da Once
Coral Polifónica Santa María de Cambre

FOLLETO DO CONCERTO 

IGREXA DE SAN FRANCISCO

O convento dos franciscanos na Coruña fundouno en 1214 Benincasa de Tuderto, enviado por Francisco de Asís durante a súa estadía en Compostela. A fábrica é do século XIV. Após diversos avatares históricos, entre os cales varios incendios, os seus restos foron deslocados en 1964 da Cidade Vella para o actual emprazamento do Paseo das Pontes, sofrendo importantes mudanzas, entre as cales a perda da orientación litúrxica (Leste-Oeste).

Mais información nas páxinas do adxacente Colexio dos Franciscanos e do proxecto Patrimonio galego.

2008 Xaneiro - Concerto de Panxoliñas e Aninovo

CICLO 'DE SANTA CECILIA AO NATAL'
CONCERTO DE PANXOLIÑAS

Igrexa de Santa María, Cambre
Venres 4 de xaneiro

Corais participantes

Coral O Adro de Bribes
Coral de Cecebre
Coro Parroquial de Sigrás
Coral Santa María de Cambre
Coral Casino Mugardés

FOLLETO DO CICLO

AMPLIACIÓNS DOS CORTES DO CONCERTO

   

FOLLA DO CICLO CO PROGRAMA DO CONCERTO

2008 Decembro (II) - Encontro de Corais en Bergondo

Edificio A Senra, recuperado para o pobo en  2000,
e rehabilitado e reinaugurado polo Concello en 2007.

ENCONTRO DE CORAIS 
Outono Cultural

Edificio de A Senra, Bergondo
Sábado 13 decembro

Corais participantes

Coro de Santa Comba de Veigue
Coral Polifónica Santa María de Cambre
Coral de Maiores de Bergondo

PROGRAMA DO ENCONTRO

**********

Edificio A Senra

Construído polo "Centro de Instrucción y recreo de Bergondo y sus contornos" (1936)

Fotografías do exterior e do auditorio 

O Edificio A Senra foi promovido "Centro de Instrucción y recreo de Bergondo y sus contornos" coa colaboración dos emigrantes e viciños do Concello e inaugurado seis días antes de estourar a Guerra Civil, após a cal foi incautado polo rexime franquista. Sería devolto polo Estado ao Concello en 2000 co compromiso de reconstruilo e tornalo un Centro sociocultural, o que se faría realidade en 2007.

Mais sobre a historia do Edificio A Senra (Texto, video, galería de imaxes) no sitio web do Concello.

2008 Decembro (I) - Festival de Vilancicos Caixanova

XLIII FESTIVAL DE VILANCICOS CAIXANOVA

Teatro Rosalía de Castro, Coruña
6, 7 ou 8 de decembro

Lamentabelmente non dispomos aínda de mais información sobre a participación da nosa coral nesta edición coruñesa do Festival de Vilancicos de Caixanova. Para compensar ese valeiro acrescentamos a apresentación do festival pola entidade organizadora.

**********

LEMBRETE DA PARTICIPACIÓN DA CORAL

(Capa e foto interior)

**********

FESTIVAL DE VILLANCICOS CAIXANOVA 2008 

Días 6, 7, 8 e 21 de decembro de 2008 

Teatro Rosalía de Castro 

Caixanova organiza unha nova actividade na cidade da Coruña, o “Festival de Vilancicos Caixanova”, onde corais de toda a Galiza poderán participar con tres temas, un deles, como mínimo, en lingua galega. Un festival que dará inicio á época natalina disfrutando da música mais tradicional destas datas cos mellores vilancicos tradicionais, interpretados de maneira maxistral polas corais participantes, ao mesmo tempo que se terá a oportunidade de disfrutar de obras inéditas. Precisamente, co obxecto de estimular a compositores e letristas que apresenten partituras inéditas en galego, estabeleceuse unha serie de premios para as corais de voces mixtas e para as corais de voces brancas. Un festival que Caixanova ven organizando desde há mais de catro decenios noutras cidades da Galiza, e que ten conseguido co paso dos anos se consolidar nos natais galegos como un encontro ineludíbel, proba diso é que a cantidade de corais apresentadas e a calidade destas que aumenta edición após edición. 

PDF no site de Cultura Galega

**********

Teatro Rosalía de Castro

Panorámicas exterior e interior do Teatro Rosalía de Castro.

Advírtase o lugar estratéxico no que o Concello situou o contentor de vidro e a lixeira, 

e os cabos que fornecen electricidade ao quiosque de imprensa

e que poden servir tamén para pendurar luces e bandeiras nas celebracións colectivas. 

O actual edificio foi inaugurado en 1870 e reinaugurado en 1995 após finalizaren as obras de rehabilitación. Leva o nome da insigne escritora galega desde 1910.

Artigo na Wikipedia