Obsequio de José Iglesias Botana, "Pepe"

Mais un obsequio dun membro da Coral. Desta vez o artista é José Iglesias Botana, "Pepe", que doou a meados do pasado mes de marzo un belo debuxo na difícil e laboriosa técnica do bico de pluma do emblema da nosa Coral, a cabeceira da igrexa de Santa Maria, onde se ven tres dos seus cinco absides. Na fotografia, ainda convalencente dunha recente operación, aparece coa sua dona, Merche, na ceia de Natal que celebramos en decembro no local social.

EMBLEMA DA CORAL POLIFÓNICA SANTA MARIA DE CAMBRE



"Coral Polifónica Santa María de Cambre" 

Entrevista á nosa compañeira Mª Antonia Enríquez Villa, 'Toñi'

A coruñesa María Antonia Enríquez Villa entrou ha pouco mais dun ano na Coral. A sua actitude participativa e a sua experiencia musical favoreceron a súa rápida integración no grupo, adquiriendo a sua opinión un grande ascendente sobre os seus compañeiros.

******* 

Onde decorreu a túa infancia?

Na zona dos Castros, A Coruña.

A que te dedicaches na túa vida laboral?

Exercín de modista.

Na entrega da medalla Marcial del Adalid à nosa directora, outubro 2013.

À esquerda, entre Chus e Carlota, e acompañada de Chus co retrato de Carlos III no fundo.

Desde cando moras en Cambre?

Desde o ano 1999.

En que actividades sociais participas alén do Coro?

En apoio de persoas con minusvalías no sanatorio de Oza.

ORIXE DOS APELIDOS
Cartografía dos Apelidos de Galicia - Instituto da Lingua Galega - USC

Distribución de "Enríquez"                      Distribución de "Villa"

"Enríquez" é apelido patronínimo procedente do nome Henrique, polo que non ten unha orixe comun, aínda que un dos seus focos mais antigos é a montaña ourensá (Teixeira, Casto Caldelas, etc.). A forma galega correcta é Henríquez, con agá e seseio. Galego importante con ese apelido é o poeta de Celanova Manuel Curros Enríquez. Por sua parte, "Villa" é clara forma castelanizada de "Vila". A versión castellana 'Villa' ten un dos seus focos na zona de Asturias e norte de Castela e León. Na Galiza concéntrase, curiosamente, no suleste (Oia).

Que te motivou para entrares na Coral?

Sou mui aficionada ao canto, e tamén quería demostrarme que eran quen de subir a un escenario.

Que pensa a túa familia da túa implicación no Coro?

O ve mui ben. Mui positivo.

Tiñas algún tipo de experiencia musical cando entraches na Coral?

Tres anos de piano e coral no colexio parroquial de Oza.

No centro do grupo, na representación de zarzuela no Parque de Cambre, xullo 2014

Que é do que mais gostas das actividades que desenvolvedes?

Cantar nas actuacions.

Cres que as actividades da Coral receben suficiente recoñecimento e apoio institucionais?

Non.

No xantar de confraternización, Ribeira, novembro 2013 con Rosalía e Sol.

No Xantar de Entroidos en Bribes, febreiro 2014, con Merche e unha amiga portuguesa

Adagio do Concerto para oboe en Re menor de Alessandro Marcello

'¡Non máis emigración!', a primeira zarzuela galega

Título: ¡Non máis emigración!
Libretista: Ramón Armada Teixeiro
Música: Felisindo Rego
Ano: 1886
Lugar: A Habana

COMENTARIO

Ramón Armada Teixeiro (Ortigueira 1858 - A Habana 1920), que fundara xunto con Manuel Lugrís o primeiro periódico publicado á íntegra en galego na emigración americana (o mensal A Gaita Gallega, 1885-1889), foi tamén o autor da primeira zarzuela galega, ¡Non mais emigración! (Apropóseto líreco-dramáteco), que se estreou no Gran Teatro Tacón da Habana en 10 de agosto de 1886 [O 29 segundo Daniel Salgado]. O libreto está baseado na sua peza teatral Non mais emigración publicada na mesma cidade un ano antes co pseudónimo 'Amador Marán' e con cuxa estreia en 10 de abril de 1886 se tornou tamén a primeira obra en galego representada fóra da Galiza. A música de Felisindo Rego está perdida. No mesmo ano publica no nº 13 de A Gaita Gallega o texto dun "Himno Gallego", firmando agora como 'Chumín de Céltigos', musicado por Felipe Pereira.

A reivindicación política contra a emigración non voltaria a aparecer na historia da zarzuela galega: "En lugar de ponerse en escena el tema de la emigración –en la línea del teatro social iniciado por ¡Non mais emigración!- músicos y escritores se conformaron con realizar meros espectáculos de música para los emigrantes." (M. Pilar Alén).

Mas a historia da Galiza quer que continúe vigorante a realidade que produz este punximento e aquele silencio...

"¡Non mais emigración!
  Sempre digamos;
 E qu' emigrar d'a Suevia
  Nunca vexamos.
 Qué hax' achego
 'A térra d' o sofrido
  Póbo gallego."

LIGAZONS

"Ramón Armada Teixeiro. Un dos grandes representantes do xornalismo galego na Cuba do XIX" [Cultura Galega]

"Ramón Armada Teixeiro" [Wikipedia]

¡Non mais emigración! (Apropóseto líreco-dramáteco) [Academia Galega] (coa letra, xuízos da imprensa da época e outros complementos).

"¡Non máis emigración!" [Wikipedia]

Daniel Salgado: "Las zarzuelas del galleguismo" [ELPAÍS, 12/03/12]

M. Pilar Alén, "El tema de la emigración en los compositores gallegos (ca. 1880-1920)" [Anuario Brigantino, 2008 PDF]

O noso repertorio: "Marcha dos cosacos de Kazán"

Título: "Cosacos de Kazán"
Letra: Manuel Martí Alonso e Emilio Glez. del Castillo
Música: Pablo Sorozábal
Ano: 1930-1
Arranxo: ----
Xénero: Marcha-Zarzuela
País: España

Cartaz da estreia en Madrid 

Outubro de 1931

Fonte

COMENTARIO

Cartaz da estreia. Barcelona, xaneiro 1931

"Katiuska (la mujer rusa)" é a primeira obra lírica de Pablo Sorozábal. Considerada mais operata que zarzuela foi estreada en Barcelona en xaneiro de 1931, e apresentada en Madrid en outubro dese ano. Consta de dous actos, o segundo profundamente modificado pouco despois da estreia.

A marcha "Cosacos de Kazán" é o terceiro número do primeiro acto. É interpretada por un coro de homes que se move marcial e maxestosamente no escenario, cos gorros ben ergueitos e os taconazos de saúdo, mentres as mulleres facemos acompañamento de fundo, rinchando con moita convición cando os cosacos montan os cabalos de pau... 

IMAXES DA MARCHA

A "Marcha dos Cosacos de Kazán" representada no Forum da Cruña (acima) en xuño de 2012

e no Teatro da Xunvetude de Cecebre (abaixo) en outubro de 2010.

LETRA

El cosaco en su brioso corcel / va a la estepa siempre al trote,

que del mundo es un azote, / zote, zote, zote, zote, / porque nunca da cuartel.

y si fiero es en la guerra al vencer, / al volver es más terrible,

porque trae un hambre horrible / y de genio está imposible

y su encanto es el deber.

Tenores: El deber... el deber,,,, el deber... / y no pagar.
Baixos: ... al luchar... al volver... el deber

Cosacos de Kazán / que sobre caballo van / sin temor y sin desmayo.

Cosacos de Kazán / que en la guerra son un rayo / y en la paz un huracán.

¿Dónde irán al asalto del caballo?

¿Dónde irán? ¿Cómo y cuándo volverán?

Volverán, que no les parta un rayo. / Volverán mediado el mes de Mayo.

Volverán con más plumas que un gallo, / los cosacos de Kazán.

TODOS

Y si fiero es en la guerra al vencer, / al volver es más terrible,

porque trae un hambre horrible / y de genio está imposible

y su encanto es el deber.

LIGAZONS

Madridteatro.eu - Victoriaeugenia.com - Lazarzuelawebcindario.com - Wikipedia 

Calendario de actuacións para 2014

Xa podemos adiantar o calendario de actuacións previsto para este ano, a falta de fixar algunha data e os concertos de Natal.

Neste momento temos acordadas cinco representacións do espectáculo de zarzuela, así como visitas aos concellos de Bueu, Muros, Sada, Valga, Valdoviño e Teo. Alén da participación en diversos festivais e concertos na Cruña.

No V Festival de Primavera (10 de maio) actuaremos xunto as corais polifónicas de Bueu, Don Diego de Muros e Endesa de As Pontes. No Concerto de XVI Aniversario visitaranos as corais polifónica Santa Comba (de Cordeiro-Valga), de Luou (Teo) e Lembranzas da Terra (Valdoviño).

CALENDARIO DE ACTUACIÓNS 2014

1 - 10 de maio - V Festival de Primavera - Teatro da Xuventude - Cecebre
2 - 17 de maio - Concerto coa Coral de Bueu - [...] - Bueu
3 - 21 de xuño - Viva la Zarzuela - Centro Sociocultural Ágora - A Cruña
4 - 28 de xuño - Concerto coa Coral de Muros - [...] - Muros [anulada por mudanza de datas]
5 - 12 de xullo - Concerto coa Coral de As Pontes - [...] - As Pontes
6 - 9 de agosto - Viva la Zarzuela - Auditorio do Parque da Igrexa - Cambre
7 - 15 de agosto - Festival de Polifonía e Habaneras - Auditorio do Parque da Igrexa - Cambre
8 - 19 de agosto - Viva la Zarzuela - Palco dos Xardíns de Méndez Núñez - A Cruña
9 - 20 de agosto - Encontro de Corais - Auditorio no Parque de Santa Margarida - A Cruña
10 - 13 de setembro - Viva la Zarzuela - Sala de teatro do Centro Francisco Lloréns - Sada
11 - 27 de setembro - Viva la Zarzuela - [...] - A Cruña
12 - 4 de outubro - Concerto coa Coral Santa Comba - Auditorio de Valga - Corbeiro (Concello de Valga)
13 - 11 de outubro - XVI Aniversario da nosa coral - Teatro da Xuventude - Cecebre
14 - 25 de outubro - Concerto coa Coral Lembranzas - Centro Francisco Lloréns - Sada
15 - 22 de novembro - Festival de Santa Icía: Concerto coa Coral Lembranzas da Terra - Auditorio da Casa da Cultura - Valdoviño
16 - Aínda sen data - Concerto coa Coral de Luou - [...] - Teo

MAPA DE ACTUACIÓNS 2014 (VER)

 Localización dos lugares de actuación. Xeral e zona das Mariñas

Globo bermello: Música coral - Cadrado azul: Aniversario - Estrela amarela: Zarzuela

MAPA DE ACTUACIÓNS 2014 NO GOOGLE MAPS

A imaxe corresponde ao Centro Socio-cultural Agora da Cruña.