Xantar de Entroido en Oleiros

O pasado 28 de febreiro celebramos o xantar de confraternización xa habitual após as festas do Entroido. Desta vez xuntámonos no restaurante Royal Palace, no concello de Oleiros, ao carón da estrada nacional no lugar de O Carballo.

Case medio cento de persoas, entre membros e acompañantes, dispostos a comer, parolar e bailar até as forzas permitiren. A ementa foi a acostumada nestas datas: laconada con todos os complementos imprescindíbeis, a sopa quente, bon viño, filloas e orellas, e café de pota.

Após unha longa xornada de convivio, despedímonos até o ensaio da inmediata segunda feira. A nosa próxima actuación será nun colexio de Carral.

Xantar de Entroido en Bribes (2014)
Xantar de Entroido en Culeredo (2013)
Ceia de Irmandade (2003)

FOTOGRAFÍAS DO XANTAR

Entrando no Royal Palace: Luisa, Emma, Sol, Chus, Alfredo e Doval. - O Presidente comprobando que tudo vai ben.

Luisa, Loli, Toñi e Pucha, con Fermina de costas. - Merche, José, e o presidente Garai coa dona.

 

Alfredo falando con Mari, con Gesto e Doval. - Luisa departindo con Chus e Mari Carmen.

A dona do Presidente, Luisa, Manoli, Ana, Pucha, Sol e Obdulia -

Pepe, Juan, Sol (de costas), Ramón, a dona do Presi, Pucha e Alfredo.

 Juan coa dona - Emma co home

Ramón coa Mary (súa dona), Merche de pé falando con Toni, Loli e súa amiga.

- Ana co home, Alberto, Sol e Emma con seu home.

 Pepe e dona - Garay coa dona

Outras dúas instantáneas do baile.

 Luisa,Toñi, Pucha, unha nova coralista e Mari. - Loli, Toñi, Pucha e a nova coralista

 Olga co seu home, co Presidente comprobando que tudo vai correcto. - Rosalía co home

Xantar de Entroido en Bribes

Mais un ano aproveitamos as festas do Entroido pra celebrarmos un xantar de confraternización. Desta vez reunímonos o sábado 22 de febreiro no restaurante Becerra, na parroquia de Bribes, a dar conta dunha boa laconada.

Só media ducia, dos cuarenta comensais, fumos quen de apresentarnos disfrazados, polo que fumos o centro de atención polo mentos até o comezo do xantar, un tempiño despois da recepción e os saúdos. Muito nos alegrou a presenza de varias excoralistas que se apontaron à xornada de convivio. Eu aproveitei o tempo de espera, antes e depois de nos sentar á mesa, para fotografar os compañeiros.

O xantar foi o típico destas datas, laconada, con chourizo, grelos, garabanzos e pataca. Todo regado cun bon mencía. De postre, orellas, filloas, "lazos" e "buñuelos", con abundante mel, marmelo, nata e outras cremas para quen quixer acompañar. E por último, xa entre piadas e cánticos, os cafés, cuns deliciosos chupitos de augardente e outros licores.

Após unhas intensas horas de convivencia despedímonos até o ensaio da próxima segunda feira.

ALGUNHAS FOTOGRAFIAS DO XANTAR

Ana Castro - Sol e Marién - Alfredo

Rosalía - Carlota

  

Alberto e home de Ana Castro - Garay e dona

Pepe e dona - Juan e Obdulia

     

Alberto, Ana, Elvi, Gesto e Carmen - Loli e Chus

 Chus, Mari, Alberto e Gesto - Olga co marido e un fillo

Pedro, Gesto e Doval - Pedro, Alfredo e Rosalía 

Mari, Carmen e o marido - Garay, Obdulia, Juan, Pedro e Juan

Herminia, unha amiga portuguesa, Obdulia, Merche e Rosalía.

Doval e Ramón - Pedro co marido de Carmen

Xantar de Entroido en Culleredo

XANTAR DE CARNAVAL 2013

Restaurante "A Gramalleira", Culleredo

Domingo 17 de febreiro

Mais un ano aproveitamos as datas do Entroido para organizar un xantar de confraternización. Compartirmos os vehículos sempre acrescenta un peculiar regocijo á alegría de nos reunir todos nun lugar inusual e para darmos conta de unha boa laconada. Compartir as cousas outorga un especial brillo a todo o que se fai. O día nos acompañou á sua maneira, pois o tempo frío e desapacíbel tamén fai mais grata a estadía no interior arredor duns pratos cheios de cor.   

Este ano éramos coarenta e tantos, muitos acompañados polos seus casais. Mari surprendeunos co seu gracioso disfrace de chinita, que luciu ao longo das mesas repartindo brincadeiras cos comensais. Outra compañeira, a última que se incorporou à coral, cumpría corenta anos de casada, e o grupo cantoulle muito animano o "feliz en este día". Todo iso foi dilixentemente fotografado por algunhas compañeiras. 

En fin, a laconada, coas pertinentes cacholas, as filloas, as orellas, o licor café, ... todo iso non era mais que o pretexto para partillarmos conversas, risos, brincadeiras e cancións. Catro horas, de duas a seis da tarde, de parolada, como se non nos vísemos desde a infancia.  

Ao sairmos aínda continuaba a chover. O que convidaba a nos recoller en cadansúa casa, en cadanseu sillón, para repousar en silencio a comida.

O espectáculo "Viva la Zarzuela" en Arteixo

ESPECTÁCULO "VIVA LA ZARZUELA"

Auditorio do Centro Cívico Cultural de Arteixo
Venres 15 de febrero

Mezzosoprano: Mª Jose Ladra
Pianista: Zita Tanasescu
Dirección: Luisa Armesto

PROGRAMA DO CONCERTO

CRÓNICA DA XORNADA

Despois de varios días de chuvia el sol tornou a brillar con renovado brío como preludio dunha intensa xornada festiva. A pontualidade dos coralistas permitiu que o autocar saise sen demora a primeira hora da tarde. Após un breve e cómodo percorrido polos últimos quilómetros da A6 chegamos a Arteixo pouco antes das cinco, a hora que tiñamos reservada para aceder ao Centro Cívico  Cultural, situado no meio do parque situado, á súa vez, no meio da vila. Entramos, pois, no edificio e levamos a equipaxe para os camarins. No camiño atravesamos o teatro e pudimos apreciar a perspectiva da platea co cenario ao fundo, xa decorado con abanos e mantóns iluminados por farolas elegantemente dispostas cuxos xogos de luces realzarían os diversos momentos da nosa interpretación.

      O cenario do mais alto da plateia          ·         De conversa un pouco antes dos ensaios

Voltamos axiña para realizar os ensaios previos e mais de dúas horas despois saimos a descansar e tomar un café encanto esperábamos a hora da actuación. O sol aínda facía sentir a súa presenza mentres paseábamos polo paseio fluvial ateigado naquela hora por unha multitude de xente que desfrutaba das últimas horas de claridade dun día de inverno. Gostamos da moderna igrexa e das altas árbores de ribeira, e do fundo azulado do balneario, que semellaba un anaco de ceu á altura dos cativos.

Conversando ante a plateia - Nos camarins - Vistas da contorna do Centro Cívico de Arteixo

(Fonte: La Opinión - Eixo-R)

Aínda tivemos un bon tempo para parolar relaxados antes de tornarmos aos camerinos para nos engalanar co noso colorido vestuario. Listas para comezar pédennos silencio: está a televisión entrevistando à directora... 

Entrevista para a imprensa local (Fonte: El Noticiero de Arteixo)

Video coa entrevista e tres pezas de Zarzuela da representación en Arteixo:

m. 10:10 "Mazurca" (El último romántico) - m. 14.35 "El chotis del Elisedo" (La Gran Vía)

- m. 20:35 "Pasacalle los nardos" (Las Leandras)   

A representación comezou pontualmente. A bondade da tarde non favoreceu a presenza do público, que ocupaba a metade do aforo. Só o entusiasmo que mostrou a cada momento nos regatou do incipiente desánimo despois do grande suceso que tivéramos en Betanzos. Fóra disso a representación foi tamén nesta ocasión un grande éxito, e na repetición de "los nardos" que oferecimos como propina o público en pé nos acompañou verdadeiramente "enardecido".

"Dichoso aquel que tiene" (Marina) - "Esta mañana mu tempranico" (La rosa del azafrán) -

"Marcha de los soldados de Kazán" (Katiuska) - "Viva Madrid, que sí..." (Don Manolito)

Depois de tanta intensidade, o público e nós mesmos deixamos o teatro con notoria preguiza, como se aínda se agardase algo con insatisfeita incredulidade pola satisfacción da xornada. É claro que enchimos, se non superamos, as expectativas dos mais dos asistentes. Nós, como case sempre, concluimos a sesión rebosando alegría contentos polo resultado do noso esforzo.

"Coro de doctores" (El rey que rabió) - "Pasacalle los nardos" (Las Leandras) -

"Mazurca" (El último romántico) - "Los ratas" (La Gran Vía) -

Saúdos após interpretarmos "El chotis del Elisedo" (La Gran Vía)

 Saúdo final