Renovación da Xunta Directiva da Coral

O pasado 31 de janeiro eliximos na Asembleia xeral unha nova directiva para os próximos catro anos que substitúe a presidida por Manuel Gesto e Manuel Luis Doval  e na que recuncan Alfredo, Ana e Sinda.

Eis o cadro de responsábeis:

Presidente: Juan María García Blanco (Garay)
Vice-Presidenta: Rosalía López Pérez (Entrevista Setembro 2013)
Secretaria: Olga Sande Rumbo (Entrevista Maio 2013)
Tesoureiro: Alfredo Álvarez Muiños (Entrevista Febreiro 2013)
Arquiveira: Ana María Castro Cortés (Entrevista Marzo 2013)
Vogal: Luis Alberto Torreiro Ares
Vogal: Sinda Mosquera Aradas (Entrevista Abril 2013)

Na fotografía a seguir, tirada na representación de zarzuela en Arteixo (febreiro 2013) aparecemos os catro novos membros da xunta (en primeiro plano e de esquerda para direita): Alberto, Rosalía, Olga e Garai, escoltados por Sol e Ramón (secretario saliente). Agardamos poder completar proximamente estea postaxe cunha fotografía de toda a xunta.

Por outra parte, este sábado 22 de febreiro celebraremos un xantar de confraternidade na Casa Becerra de Bribes. 

Agasallos sen dados

Após case un ano, xa estamos a concluir a subida dos agasallos recebidos pola Coral ao longo da sua traxectoria desde pouco depois da sua fundación en decembro de 1998. Muitos deles axudáronos a recuperar actuacións das que non tiñamos registro. Desa tarefa só nos resta informar duns libros, algún cadro, un presente da ex compañeira Nieves Porteiro, e mais catro obsequios dos que carecemos de calquer dado. 

Na fotografía á direita aparece o primeiro Presidente, Antonio Rouco, e a socia fundadora Luisa Louro, que amosa un dos libros, xunto a un dos primeiros agasallos recebidos pola Coral por volta da sua fundación.

Non temos dados da ocasión en que recollimos a placa de cerámica co himno galego. Talvez foi no Festival das Letras Galegas en Burela, en cuxa clausura interpretamos o himno canda as outras agrupacións participantes. 

Segundo o ex Presidente Manuel Gesto a insígnia pode corresponder ao Servizo Civil do Concelho (Ayuntamiento) de Cambre. 2003??? En todo caso, parece que comemora o XX Aniversario tal vez dunha Sociedade Cultural de carácter musical, ainda que as sigras coinciden co Servicio de Cooperación y Acción Cultural, un instituto do Estado francés que "se encarga do seguimento da rede de estabelecimentos escolares franceses en España, asi como de tutelar os cinco Institutos franceses que existen en España". Taén se encarga das trocas francoespañolas en materia cultural e linguñistica (Consulado Honorario da Franza na Cruña)

O esmalte pode ser un obsequio da compañeira Olga Sande, supomos que algo anterior (por volta de 1007) ao xa apresentado nunha postaxe anterior.

E, por último, unha pequena bandeixa da que carecemos de mais dados do que sabela entre os outros agasallos.

Naturalmente, ficariamos muito gratos a calquer un que nos dar información mais precisa destes obxectos.

FOTOGRAFÍAS

2009 xuño - Vodas de ouro dos pais da nosa compañeira Olga

VODAS DE OURO

Igrexa de San Silvestre de Veiga
Domingo 21 de xuño de 2009

COMENTARIO

En 21 de xuño de 2009 parte da Coral de Cambre participou na celebración das Vodas de Ouro dos pais da nosa compañeira Olga Sande. O acto decorreu na mesma igrexa onde casaran en 1959, San Silvestre de Veiga, para o sur do viciño concello de Culleredo.

Foto de familia dos participantes, co casal protagonista e a compañeira Olga no meio.

Neste toma non aparece o compañeiro Ramón, que aparece na fotografía de acima na direita.

2000 - Presente da compañeira Elena Mahía

Pouco mais dun ano despois da fundación da Coral (outubro de 1998), a compañeira Elena Mahía García, membro da directiva fundadora, tivo a gentileza de presentear a coral cun estandarte bordado por ela mesma em fio de ouro sobre teia de raso e franxa dourada, deixando constancia da sua participación na coral, que concluiría en 2006.

A lexenda do vexilo é "Coral de Santa María de Cambre", acima da imaxe, que representa a cabeceira da igrexa homónima, e "A Coruña", abaixo.

FOTOGRAFÍAS DO ESTANDARTE E DA AUTORA

Imaxes do estandarte no Festival de Polifonía e Habaneras (Cambre)

À esquerda, portado por Olga Sande (2001). À direita, lucindo durante a actuación (2000)

Fotografía do estandarte no salón do local da Terceira Idade (2013)

Elena Mahía Garcia  na ceia de irmandade de 2003

NOTA.- A restauración galega do nome daría Helena Maia Garcia.

2007 - Obsequio da compañeira Olga Sande

En 2007 a nosa compañeira Olga Sande, amadora da artesanía do vidro e o esmalte, doou á Coral un pequeno agasallo en que se representan os absides da Igrexa de Santa María de Cambre, dando mostra do seu caráter aberto e generoso.

En Padrón, despois da actuación

Novembro, 2012

AGASALLO PARA A CORAL DA COMPAÑEIRA OLGA

"CORAL POLIFÓNICA SANTA MARÍA DE CAMBRE"

CAMBRE - A CORUÑA

Entrevista a Olga Sande neste blogue.

Entrevista á compañeira coralista Olga Sande Rumbo

Olga Sande Rumbo é coralista case fundadora da Coral Santa María de Cambre, na corda de soprano desde o seu ingreso en 1999. Ela e o seu home son dos mais activos en plasmar fotograficamente as actividades da Coral. Coa sua habitual simpatia non tivo inconvinte en responder as nosas preguntas.

Onde decorreu a túa infancia?

A miña infancia transcorreu en Vilaboa, vila á que teño moito cariño.

A que te dedicaches na túa vida laboral?

Foi un poco variada, aínda que principalmente traballei na confeción.

Festival de Santa Cecilia, Padrón - 17 novembro 2012

 Desde cando moras en Cambre?

Dende hai 21 anos.

En que actividades sociais participas alén do Coro?

Nestes momentos practico Ioga.

ORIXE DOS APELIDOS

Cartografía dos Apelidos de Galicia - Instituto da Lingua Galega - USC

   Distribución de "Sande"                            Distribución de "Rumbo"

Frecuencia relativa (e probábel orixe) dos apelidos "Sande" e "Rumbo" segundo o mapa de apelidos do Instituto Galego da Língua da Universidade de Santiago de Compostela. O primeiro, probabelmente de orixe xermánica. predomina especialmente nos concellos de Muros e Negreira. Na Galiza há varios locais chamados Sante/Sande (procedendo o último dun enxordecemento do primeiro). "Rumbo" ten o foco principal no concello de Culleredo, onde terá orixe no lugar de Rumbo, parroquia de Celas.
  

Que te motivou para entrares na Coral?

As miñas inquedanzas por facer cousas e mais tamén porque gosto de cantar.

Que pensa a túa familia da túa implicación no Coro?

Por veces sinto que están ao meu carón, e outras que supoe un pequeno incordio por impedir que pase máis momentos coa familia.

Acima á esquerda, preparándose para o espectáculo de zarzuela en Arteixo, febreiro 2013. 

Á direita, acompañada de Marién, Ramón, Rosalía e Alberto na mesma actuación.

Abaixo á esquerda, rodeada do grupo nunha representación de zarzuela en Cecebre, agosto 2012.

Á direita, interpretandos "Los nardos" en Arteixo.

Tiñas algún tipo de experiencía musical?

Non, experiencia musical non tiña.

Que é do que mais gostas das actividades que desenvolvedes?

Pois gosto moito de fotografar a Coral, pero sobre todo cantar.

Cres que as actividades da Coral receben suficiente recoñecimento e apoio institucionais?

Non, nunca é suficiente o apoio das institucións, porque sempre hai cousas que facer. Por iso creo que debemos estar sempre dispostos a colaborar coa directiva.

Á esquerda, co seu home na celebración do XII Aniversario da Coral - 2 outubro 2010.

Á direita, fotografada pola autora do blogue depois do concerto en Padrón - 17 novembro 2012.

Fotos do Convite do XIV Aniversario

Acrescentamos unha escolla das fotografias do convite de XIV aniversario da Coral celebrado en Cambre o pasado 6 de outubro que nos enviou a nosa compañeira Olga. Na sala estamos membros das catro corais participantes, a saber, alén da anfitroa, a camariñá CP Brisas do Mar, CP de Burela e CP de Bergantiños. Un merecido refrixerio após toda unha intensa xornada no Teatro A Xuventude de Cecebre.

Visión xeral algo movida da 'movida'.

Esquerda: Ana, a secretaria, Ramón, vicepresidente, e Sol, unha coralista.

Direita: unha coralista e Margarita,  a solista da CP de Burela, coa autora do blog.

Esquerda: o noso compañeiro Alberto acompañado de súa dona e de súa filla.

Direita: os coralistas Alfredo, Emma, Loli e mais dous Juanes.

Esquerda: as coralistas Loli e Merche.

Direita: o Presidente Manuel Gesto.

Direita: Un momento de repouso nun recanto da sala.

Outro aspecto xeral. da sala durante o convivio.