Entrevista a Ramón Posse Mancebo, Secretario da Coral Santa María de Cambre

"Do que máis disfruto é da participación no coro"

Ramón Posse Mancebo, viciño do Temple, é membro da Coral Santa María de Cambre desde 2004 e Vicepresidente desde 2009, formando parte da equipa directiva encabezada por Manuel Gesto. Entusiasta participante e organizador nato, convenceu sua dona para formar parte do coro, procurando sempre conseguir novas voces.

*******

Cecebre, agosto 2012

Ramón, de pé à direita, interpretando
o Coro de doutores de "El rey que rabió"
no Forum da Coruña en xuño de 2012

 Onde decorreu a túa infancia?

En Vilaboa, no concello de Culleredo.

A que te dedicaches na tua vida laboral?

Sempre coidando das persoas.

Desde cando moras en Cambre?

Dende hai mais de trinta anos.

En que actividades sociais participas alén do Coro?

Son voluntario activo do Concello.

No Festival de Habaneras, Cambre, xullo de 2011, coa sua dona Mari en primeiro plano

Que te motivou para entrares na Coral?

As peticións de xente coñecida para formar grupo.

Que pensa a túa familia da túa implicación no Coro?

Que a veces teño que dedicarlle demasiado tempo.

Momentos de sua participación no espectáculo "Viva la zarzuela" no Forum Metropolitano da Coruña, xuño de 2012

Tiñas algún tipo de experiencia musical?

Non tiña.

Que é do que mais gostas das actividades que desenvolvedes?

Estou con moito gusto no coro e penso que é o que máis disfruto.

Ensaiando o espectáculo de Zarzuela no Forum da Coruña
con Marien e Ramón Malo

 Como levas as túas labores directivas na Coral, ocupan moito do teu tempo?

Pois si, hai épocas en que o tempo non me chega por mor da burocracia.

Cres que as actividades da Coral receben suficiente recoñecimento e apoio institucionais?

Temos cousas das que disfrutamos que veñen das intitucións e que son de grande axuda, pero sempre se pode axudar mais se hai voluntade.

*******

OS MEUS FAVORITOS

     1. Afección favorita (alén da música): Axuda Social e Sendeirismo.

     2. Prato favorito: Peixe e patacas cocidas.

     3. Libro favorito: Kama Sutra. 

     4. Filme preferido: Testigo de cargo [Testemuña de Acusación,
                                             Witness for the Prosecution, 1957].

     5. Unha viaxe especial: A Suíza.

     6. Xénero musical preferido: Os Boleros.

     7. Canción favorita: "El reloj" (Roberto Cantoral, 1960 - Youtube)